|
|
|
|
|
|
|
|
|
|
|
|
Tongasoa eto amin'ny iBoky Malagasy |
Raha nahazoazo taona ianao
Ka mandinika ny voaary
Avy hatrany ho tsapanao
Fiovana miharihary
"Dizitaly ny Tontolo"
Izay jerena rehetra rehetra
Niova endrika daholo
Fandrosoana tsisy fetra
Tanan-dehibe sy ambanivolo
"Dizitaly ny Tontolo"
Ireo kojakoja an-davanandro
Nahafahana nikolo
Miendrim-pamataranandro
Nomerika be daholo
"Dizitaly ny Tontolo"
Ireo mpankafy mamaky indray
Tsy rototra rehefa andeha
Fa ao anatin'ny finday
Misy boky maro be
"Dizitaly ny Tontolo"
Raha nahazoazo taona ianao
Misy fotsy izany volo
Hatramin'ny fomba amam-panao
Lasa niova be daholo
Tsaratiana, jolay 2022
Nosoratan'i Tsaratiana, jolay 2022
Voalohany, karohinao eto amin'ny tranonkala ny iboky tianao ho vidiana ary alohanao amin’ny alalan’ireo karatra fampiasa eny amin’ny banky na PAYPAL ny vidiny. Azo atao tsara ihany koa ny mampiasa ireo fandefasam-bola amin’ny alalan’ny finday toy ny MVOLA, ORANGE MONEY ary AIRTEL MONEY eto amin’ny iBoky. Rehefa vita izay, dia azonao raisina sy alaina ao anatin’ny kaontinao manokana eto amin’ny tranonkala iBoky Malagasy ny iboky novidianao.
“Mba tena faniriako ny hamelona indray ao am-pon'ny Malagasy tsirairay ny fitiavana mamaky boky malagasy. Maro ireo sangan'asa fahiny sy ankehitriny no tena avo lenta ary tsy mena-mitaha. Ankasitrahana ny fisian'ny iBoky Malagasy hamelona indray izany fitiavana izany eo amin'ny Malagasy manerantany.“
“Ny iBoky Malagasy dia sehatra iray afaka manampy ny mponina sy ny firenena malagasy amin'ny fampiroboroboana ny tenim-pirenena. Tombony lehibe ho azy ny fahafahany mampiseho amin'ny sehatra iray ireo karazam-boky malagasy maro misy. “
